---
title: "龍魂不滅！李小龍85周年紀念展登陸港鐵，女兒李香凝：回家真好！"
url: https://coteamedia.com/hongkong/%e9%be%8d%e9%ad%82%e4%b8%8d%e6%bb%85%ef%bc%81%e6%9d%8e%e5%b0%8f%e9%be%8d85%e5%91%a8%e5%b9%b4%e7%b4%80%e5%bf%b5%e5%b1%95%e7%99%bb%e9%99%b8%e6%b8%af%e9%90%b5%ef%bc%8c%e5%a5%b3%e5%85%92%e6%9d%8e%e9%a6%99/
author: Arthur Ko
published: 2025-11-24T17:18:18+00:00
modified: 2025-11-24T17:18:18+00:00
description: "為咗紀念一代武術宗師李小龍誕辰85周年，港鐵聯同李小龍基金會及香港文化博物館攜手舉辦《李小龍誕生85周年紀念展：無形之道》，將李小龍嘅傳奇一生帶到大家嘅眼前！展覽分為兩大展區，分別位於香港站中環行人隧道，以及中環站J出口，大家可以近距離感受李小龍嘅魅力。 香港站嘅展期由聽日開始，直到下個月8號。而中環站嘅展覽就會長期展…"
categories: ["香港"]
tags: ["李小龍 85周年", "李小龍展覽 香港", "李小龍紀念展", "李小龍誕生85周年紀念展", "港鐵 李小龍展覽"]
source: https://coteamedia.com
---
為咗紀念一代武術宗師李小龍誕辰85周年，港鐵聯同李小龍基金會及香港文化博物館攜手舉辦《李小龍誕生85周年紀念展：無形之道》，將李小龍嘅傳奇一生帶到大家嘅眼前！展覽分為兩大展區，分別位於香港站中環行人隧道，以及中環站J出口，大家可以近距離感受李小龍嘅魅力。

香港站嘅展期由聽日開始，直到下個月8號。而中環站嘅展覽就會長期展出，等大家可以隨時緬懷這位一代巨星。

李小龍基金會創辦人暨會長，同時亦都係李小龍嘅女兒李香凝喺開幕禮上感性咁話，返到香港感覺好似返到屋企一樣！佢話，香港係佢爸爸成長、訓練，同埋開創全球傳奇嘅地方。作為李小龍嘅女兒，佢一直努力繼承爸爸嘅智慧，將佢嘅遺澤變成自己嘅使命，就好似佢爸爸教導佢哋表達自己、團結一致咁，佢會繼續努力將呢種精神同全世界分享。

運輸及物流局局長陳美寶喺開幕禮致辭時就話，雖然李小龍已經離開咗超過半個世紀，但係佢至今仍然係武術界嘅一代宗師！佢開創嘅截拳道，以中國嘅詠春作為根基，再揉合佢自學嘅拳擊、劍擊等，呢種將中西結合所長，揉合為己用嘅精髓，正正就係香港精神嘅最佳體現！陳美寶仲提到，李小龍為香港電影開創咗一個新時代，將武術電影帶到咗一個全新嘅層次。佢所拍攝嘅四套半電影，足以成就一個電影傳奇，成為跨國界嘅香港文化象徵！

無論你係李小龍嘅忠實粉絲，定係想了解香港精神嘅朋友，都絕對唔可以錯過今次嘅展覽！一齊去港鐵站，感受李小龍嘅傳奇魅力啦！